Этококс (90 мг)

Этококс

Эторикоксиб

Үлбірлі қабықпен қапталған таблеткалар, 60 мг, 90 мг,120 мг

Бір таблетканың құрамында

Интрагранулят

белсенді заттар - эторикоксиб 60.00 мг немесе 90.00 мг немесе 120.00мг;

қосымша заттар: микрокристалды целлюлоза, сусыз кальций гидрофосфаты, натрий кроскармеллозасы, магний стеараты экстрагранулят: сусыз кальций гидрофосфаты, натрий кроскармеллозасы, магний стеараты, қабық Opadry II жасыл 35К510000 (60 мг доза үшін), қабық Opadry II ақ 35К580003 (90 мг доза үшін), қабық Opadry II жасыл 35К510018 (120 мг доза үшін), тазартылған су*

қабықтың құрамы: лактоза моногидраты, НРМС 2910/гипромеллоза (Е 464), титанның қостотығы (Е 171), триацетин, FD&C көк #2/индигокармин алюминий лагы (Е 132), НРМС 2910/гипромеллоза (Е 464), темірдің сары тотығы (Е 172)

*өндіріс үдерісінде жойылады

Дөңгелек пішінді, екі беті дөңес, бір жағында жасылдан күңгірт жасыл түске дейінгі «Е60» (60 мг доза үшін) өрнегі, ақтан ақ дерлік түске дейінгі «Е90» (90 мг доза үшін) өрнегі, ақшыл жасылдан бозғыл жасыл түске дейінгі «Е120» (120 мг доза үшін) өрнегі бар және екінші жағы тегіс, үлбірлі қабықпен қапталған таблеткалар.

Қабынуға қарсы және ревматизмге қарсы препараттар. Қабынуға қарсы стероидты емес препараттар. Коксибтер. Эторикоксиб

АТХ коды М01АН05

Фармакокинетикасы

Сіңуі. Эторикоксиб ішу арқылы қабылдағанда жақсы сіңеді. Ішу арқылы қолданғанда биожетімділігінің орташа мәні шамамен 100% құрайды.

Ересек пациенттер ашқарынға тәулігіне 1 рет 120 мг эторикоксиб дозада қабылданғаннан кейін қан плазмасындағы препараттың ең жоғары концентрациясы қабылданғаннан кейін 1 сағаттан соң (Tmax) шамамен 3.6 мкг/мл (орташа геометриялық) құрады. Орташа геометриялық мәні AUC0-24сағ 37.8 мкг·сағ/мл құрады. Клиникалық дозалар диапазоны шегінде эторикоксиб фармакокинетикасы дозаға байланысты болып табылады.

Стандартты тамақ эторикоксибты 120 мг дозада қолданғанда сіңу дәрежесіне және жылдамдығына клиникалық елеулі әсер етпейді. Клиникалық зерттеулерде эторикоксибты ас ішуге байланыссыз қабылдаған.

12 дені сау еріктілерде эторикоксиб фармакокинетикасы дара қабылдағанда (20% шегінде AUC, Cmax салыстырарлық ) құрамында магний/алюминий оксиді бар антацидтармен немесе құрамында кальций карбонаты болатын (способность нейтрализации кислоты около 50 мЭкв) антацидтармен ұқсас болды.

Таралуы. Эторикоксиб 0.05-тен 5 мкг/мл дейінгі концентрациялар диапазонында адамның қан плазмасы ақуызымен 92%-ға байланысады. Адамда таралу көлемі тепе-тең жағдайда шамамен 120 л құрайды.

Эторикоксиб егеуқұйрықтар мен үй қояндарында плацентарлық бөгет арқылы, сондай-ақ егеуқұйрықтарда гематоэнцефалдық бөгет арқылы өтеді.

Метаболизмі. Эторикоксиб қарқынды метаболизденеді. Дозаның 1%-дан төмені өзгермеген түрінде несеппен шығарылады. Метаболизмнің негізгі жолы – бұл Р450 цитохромы ферменттерімен (CYP) катализациялағанда 6’-гидроксиметилэторикоксиб туындысын қалыптастыру.

Адамда 5 метаболит сәйкестендірілген. Негізгі метаболит 6’-карбоксил қышқылы, 6’-гидроксиметил дериватының кейінгі тотығуымен қалыптасқан эторикоксиб дериваты болып табылады. Бұл негізгі метаболиттер ЦОГ-2 тежегіштері сияқты өлшенетін белсенділікті көрсетпейді немесе тек белсенділігі төмен болып табылады. Бұл метаболиттердің бір де бірі циклоокcигеназа-1 (ЦОГ-1) тежемейді.

Шығарылуы. Дені сау еріктілерге радиоизотоппен таңбаланған 25 мг эторикоксибты бір реттік вена ішіне енгізгеннен кейін радиоактивтіліктің 70%-ы несеппен және негізінен метаболиттер түрінде 20%-ы нәжіспен шығарылады. 2%-дан азы өзгермеген зат түрінде байқалады.

Эторикоксиб негізінен метаболизм арқылы кейіннен бүйрекпен шығарылады. Эторикоксибтың тепе-тең концентрациялары 2-ге жуық жиналу көрсеткішімен тәулігіне 1 рет 120 мг қабылдағанда 7 күн бойы жетеді, бұл шамамен 22 сағат жартылай ыдырау кезеңіне сәйкес келеді. Қан плазмасының клиренсі шамамен 50 мл/мин. құрайды.

Пациенттердің жеке топтары

Жынысы. Эторикоксиб фармакокинетикасы әйелдер мен ерлерде ұқсас болып келеді.

Жасы. Егде жастағы пациенттерде және жасырақ жастағы пациенттерде эторикоксиб фармакокинетикасы (65 жас және одан үлкен жастағы) ұқсас болады. Егде жастағы пациенттердегі клиникалық зерттеулер жағымсыз реакцияларының жоғарырақ жиілігін анықтады, жас және егде пациенттерде эторикоксиб тағайындағанда салыстырмалы айырмашылығы салыстырарлық болса да бұны ем тағайындағанда жоққа шығаруға болмайды.

Нәсілі. Нәсілі эторикоксиб фармакокинетикасына клиникалық елеулі әсер етпейді.

Бауыр функциясының бұзылуы. Ауырлығы жеңіл (Чайлд-Пью бойынша 5-6 балл) бауыр функциясы бұзылған пациенттерде эторикоксибты тәулігіне 1 рет 60 мг дозада қабылдағанда AUC орташа көрсеткіші дені сау адамдардағы бірдей режимде қолданғандағы AUC-тан шамамен 16%-ға астам. Бауыр функциясының ауырлығы орташа (Чайлд-Пью бойынша 7-9 балл) бұзылуы бар пациенттерде екі күнде 1 рет 60 мг эторикоксиб қабылдағанда AUC орташа көрсеткіші күн сайын тәулігіне 60 мг эторикоксиб алған дені сау адамдардағы сияқты болды. Ауыр түрде бауыр функциясы бұзылған (Чайлд-Пью шкаласы бойынша ≥9 балл) пациенттерге қатысты клиникалық және фармакокинетикалық деректер жоқ.

Бүйрек функциясының бұзылуы. Эторикоксибтың 120 мг бір реттік дозасының фармакокинетикасы бүйрек функциясының орташа және ауыр бұзылуы бар пациенттерде, сондай-ақ гемодиализ жүргізетін терминальді сатыдағы бүйрек ауруы бар пациенттерде дені сау адамдардағы осындайдан сәл ғана ерекшеленді. Гемодиализ шығарылуына елеусіз әсер етеді (диализ клиренсі шамамен 50 мл/мин құрайды).

Фармакодинамикасы

Этококс- бұл қабынуға қарсы, ауыруды басатын және ыстыық түсіретін әсер беретін қабынуға қарсы стероидты емес препарат (ҚҚСП). Эторикоксиб ішу арқылы қабылдағанда күшті, белсенді, клиникалық доза диапазоны шегіндегі және одан жоғары, ЦОГ-2 жоғары селективті тежегіші болып табылады. Циклооксигеназаның 2 изоформасы сәйкестендірілген: циклооксигеназа-1 (ЦОГ-1) және циклооксигеназа-2 (ЦОГ-2). ЦОГ-1 қарыншалық цитопротекция және тромбоциттер агрегациясы сияқты простагландиндер арқылы жүретін физиологиялық функцияның қалыпты болуына жауап береді. ЦОГ-1 селективті емес ҚҚСП тежелуі асқазан қызметі бұзылуымен және тромбоциттер тежелуімен байланысты.

ЦОГ-2 бәрінен бұрын ауырудың, қабынудың және температура жоғарылауының

простаноидты медиаторларының синтезіне жауапты. ЦОГ-2 эторикоксибпен селективті тежелуі бұндай клиникалық белгілері мен симптомдарын әлсіретеді, сондай-ақ тромбоциттер функциясына әсер етпестен, асқазан-ішек жолдарына (АІЖ) уытты әсерін азайтады.

Клиникалық фармакология зерттеулерінде эторикоксиб дозалауға байланысты ЦОГ-2 тежелуін көрсетті, бұл арада тәулігіне 150 мг дейінгі дозада ЦОГ-1 тежемеді.

Сондай-ақ простагландин синтезін эторикоксибты тәулігіне 120 мг дозада алған, напроксенді тәулігіне 2 рет 500 мг дозада немесе плацебо алған пациенттердегі асқазан биопсиясынан алынған үлгілерде анықталған клиникалық зерттеулерде ЦОГ-1 гастропротекторлық әсеріне ықпалына баға берілді. Плацебомен салыстырғанда, эторикоксиб қарыншалық простагландиндер синтезін тежемеді. Салыстыру үшін плацебомен салыстырғанда напроксен қарыншалық простагландиндер синтезін шамамен

80%-ға тежеді. Бұл деректер эторикоксибтың ЦОГ-2 қатысты әсерінің селективтілігін растайды.

Тромбоциттер функциясы

Эторикоксибты 150 мг дейінгі дозаларда күн сайын 9 күн бойына көп рет қолданғанда плацебомен салыстырғанда қан кету уақытына әсер етпеген. Сондай-ақ қан кету уақыты эторикоксибты 250 мг немесе 500 мг дозада бір рет қабылдағанда өзгермеген. In vivo эторикоксибты 150 мг дейінгі дозаларда қабылдағанда арахидон қышқылымен немесе коллагенмен индукцияланған (тепе-тең жай-күйде) тромбоциттер агрегациясы тежелгені бақыланбады. Бұл деректер эторикоксибтың ЦОГ-2 қатысты селективтілігін қосымша растайды.

- остеоартритте

- ревматоидты артритте

- шорбуынданатын спондилитте

-жедел подагралық артритте

- стоматологиялық операция жасаумен байланысты ауыруды қысқа мерзімдік емдеуде

ЦОГ-2 селективті тежегішін тағайындау туралы шешім пациент үшін барлық жеке қауіптерді бағалауға негізделуі тиіс.

Препаратты ас ішуге байланыссыз ішке қабылдайды. Егер препаратты ас ішудің алдында қабылдаса, әсері тез басталады, мұны симптомдарын тез басу қажет болғанда ескеру керек.

Эторикоксибты қолданған кезде жүрек-қантамыр асқынуларының туындау қаупі дозаны арттырғанда және ұзақ қолданғанда жоғарылауы мүмкін болғандықтан, барынша қысқа уақыт кезеңінде ең төменгі тиімді дозаларды пайдалану керек. Әсіресе остеоартриті бар пациенттерде симптомдарды жеңілдету қажеттілігін және жүргізілген емге жауапты жүйелі қайта бағалап отыру керек.

Остеоартрит (ОА)

Ұсынылатын доза тәулігіне бір рет 30 мг құрайды. Кейбір пациенттерде симптомдарды жеңілдетуге жеткілікті болмағанда дозаны тәулігіне бір рет 60 мг-ге дейін арттыру ұсынылуы мүмкін. Әсері болмағанда басқа да ықтималды емдеу әдістерін қарастыру керек.

Ревматоидты артрит (РА)

Ұсынылатын доза - тәулігіне бір рет 90 мг.

Шорбуынданатын спондилит

Ұсынылатын доза - тәулігіне бір рет 90 мг. Жедел ауыру туындағанда, эторикоксибты жедел ауыру симптомдары кезеңінде ғана қолдану керек.

Жедел подагралық артрит

Ұсынылатын доза тәулігіне 1 рет 120 мг құрайды. Жедел подагралық артритті емдеудің клиникалық зерттеулерінде эторикоксибты 8 күн бойы қолданған.

Стоматологиядағы операциядан кейінгі ауыру

Ұсынылатын доза ең көбі 3 күн бойы тәулігіне 1 рет 90 мг құрайды. Кейбір пациенттер үшін қосымша операциядан кейінгі ауыруды басу қажет болуы мүмкін.

Әр көрсетілім үшін ұсынылғаннан асатын дозалардың не қосымша тиімділігі жоқ, не болмаса зерттелмеген.

Сондықтан:

- ОА-да доза тәулігіне 60 мг-ден аспауы тиіс;

- РA-да және шорбуынданатын спондилитте доза тәулігіне 90 мг-ден аспауы тиіс;

- жедел подаграда доза тәулігіне 120 мг-ден аспауы тиіс, ал емдеу ең көбі 8 күн бойы жүргізіледі;

- стоматологиялық операциядан кейінгі жедел ауыру кезіндегі доза тәулігіне 90 мг-ден аспауы тиіс, ал емдеу ең көбі 3 күн бойы жүргізіледі.

Егде жастағы пациенттер

Егде жастағы пациенттер үшін дозаны түзетудің қажеті жоқ. Басқа препараттарды қолданғандағыдай егде жастағы пациенттерде сақтық шараларын ұстану керек.

Бауыр функциясының бұзылуы

Ауырлығы жеңіл дәрежелі (Чайлд-Пью бойынша 5-6 балл) бауыр функциясы бұзылған пациенттерде дозаны тәулігіне 1 рет 60 мг-ден асыруға болмайды. Ауырлығы орташа дәрежелі (Чайлд-Пью бойынша 7-9 балл) бауыр функциясы бұзылған пациенттерде доза төмендетілуі тиіс; дозаны 2 тәулікте 1 рет 60 мг асырмау керек. Ауыр түрде бауыр функциясы бұзылған (Чайлд-Пью шкаласы бойынша ≥10 балл) пациенттерге қатысты клиникалық және фармакокинетикалық деректер жоқ

Бүйрек функциясының бұзылуы

Креатинин клиренсі минутына ≥30 мл пациенттерде препарат дозасын түзету қажет емес. Креатинин клиренсі <30 мл/мин пациенттерде эторикоксибты қолдануға болмайды.

Жағымсыз реакциялар клиникалық зерттеу деректеріне негізделген және туындау жиілігіне байланысты бөлінеді: Өте жиі (≥1/10), Жиі (≥1/100, <1/10), Жиі емес (≥1/1000, <1/100), Сирек (≥1/10000, <1/1000), Өте сирек (<1/10000)

Өте жиі

- абдоминальді ауыру

Жиі

- астения/әлсіздік, тұмау тәрізді симптомдар

- бас айналу, бас ауыруы

- бронх түйілуі

- жүрек қағуы, аритмия, гипертензия, ісінулер/сұйықтықтың іркілуі

- іштің қатуы, метеоризм, гастрит, қыжыл/ қышқылдық рефлюкс, диарея, диспепсия, эпигастрий тұсындағы жайсыздық сезімі, жүрек айнуы, құсу, эзофагит, ауыз қуысының ойық жарасы

- альвеолярлық остеит

- АЛТ деңгейінің жоғарылауы, АСТ деңгейінің жоғарылауы

- экхимоз

Жиі емес

- дәм сезудің бұрмалануы, ұйқысыздық, парестезия/гипестезия, ұйқышылдық, үрейлену, депрессия, ақыл-ой қызметінің нашарлауы, елестеулер

- анық көрмеу, конъюнктивит

- құлақтың шыңылдауы, вертиго

- жүрекшелер фибрилляциясы, тахикардия, іркілісті жүрек жеткіліксіздігі, ЭКГ-дегі спецификалық емес өзгерістер, стенокардия, миокард инфарктісі, қан кернеулері, инсульт, ми қан айналымының транзиторлық ишемиялық бұзылулары, гипертониялық криз, васкулит

- кеуде қуысының ауыруы, жөтел, диспноэ, мұрыннан қан кету, жоғарғы тыныс алу жолдарының инфекциялары

- іштің кебуі, ішек перистальтикасы сипатының өзгеруі, ауыздың құрғауы, гастродуоденальді ойық жаралар, гастроинтестинальді тесілу мен қан кетуді қоса, пептидтік ойық жаралар, тітіркенген ішек синдромы, панкреатит, гастроэнтерит, тәбеттің төмендеуі немесе артуы, дене салмағының артуы

- протеинурия, сарысулық креатинин деңгейінің жоғарылауы, бүйрек жеткіліксіздігін қоса, бүйрек функциясының бұзылуы, несеп шығару жолының инфекциялары

- бұлшықет түйілуі/құрысуы, қаңқа-бұлшықет ауыруы/шектелуі

- аса жоғары сезімталдық реакциялары, беттің ісінуі, қышыну, бөртпе, эритема, есекжем

- анемия (көбінесе асқазан-ішектен қан кету нәтижесінде), лейкопения, тромбоцитопения

- қандағы мочевина азоты деңгейінің жоғарылауы, креатинфосфокиназа деңгейінің жоғарылауы, гиперкалиемия, несеп қышқылы деңгейінің жоғарылауы

Сирек

- сананың шатасуы, мазасыздық

- гепатит, бауыр жеткіліксіздігі, сарғаю

- ангионевроздық ісіну, анафилаксиялық/анафилактоидты шок, Стивенс-Джонсон синдромы, уытты эпидермальді некролиз, тұрақты дәрілік эритема

- қандағы натрий деңгейінің төмендеуі

ҚҚСП қолданғанда келесі күрделі жағымсыз реакциялар туралы хабарланды, сондықтан эторикоксиб қолданғанда олардың туындау мүмкіндігін жоққа шығаруға болмайды: нефрит және нефроздық синдромды қоса, нефроуыттылығы.

• әсер етуші затқа немесе препараттың құрамына кіретін кез келген қосымша компонентке аса жоғары сезімталдық

• асқыну сатысындағы пептидтік ойық жара немесе асқазан-ішектен жедел қан кету

• циклооксигеназа-2 (ЦОГ-2) тежегіштерін қоса, ацетилсалицил қышқылы немесе ҚҚСП қолданғаннан кейін анамнезінде бронх түйілуі, жедел ринит, мұрын полиптері, ангионевроздық ісіну, есекжем немесе басқа да аллергиялық реакциялар дамыған пациенттер

• жүктілік және лактация кезеңі

• бауыр функциясының ауыр бұзылулары (қан сарысуының альбумині <25 г/л немесе Чайлд-Пью шкаласы бойынша ≥10 балл)

• анықталған бүйректік креатинин клиренсі минутына <30 мл

• 18 жасқа дейінгі балалар мен жасөспірімдер

• ішектің қабыну аурулары

• іркілісті жүрек жеткіліксіздігі (NYHA II-IV)

• тұрақты бақыланбайтын артериялық гипертензия 140/90 мм.с.б. жоғары

• анықталған жүректің ишемиялық ауруы, шеткері артерия аурулары және/немесе ми қан айналымының бұзылуы

Фармакодинамикалық өзара әрекеттесуі

Пероральді антикоагулянттар. Жай-күйі варфаринді тұрақты қолданумен тұрақтандырылған пациенттерде эторикоксибты тәулігіне 120 мг дозада қабылдау Халықаралық қалыптасқан қатынастың (ХҚҚ) протромбинді уақытының шамамен 13%-ға артуымен қатар жүрді. Сондықтан ішу арқылы антикоагулянттар қабылдайтын пациенттерде, әсіресе эторикоксибты алғашқы қабылдау күндері немесе оның дозасын өзгерткенде ХҚҚ протромбинді уақыт көрсеткіштерін тексеру керек.

Диуретиктер, ангиотензинөзгертуші фермент (АӨФ) тежегіштері және ангиотензин ІІ антагонистері. ҚҚСП диуретиктер мен гипертензияға қарсы басқа да препараттардың әсерін бәсеңдетуі мүмкін. Бүйрек функциясы бұзылған кейбір пациенттерде (мысалы, сусыздануы бар немесе бүйрек функциясы әлсіреген егде жастағы пациенттерде) АӨФ тежегішін немесе ангиотензин ІІ антагонисін және ЦОГ тежейтін препараттарды бір мезгілде қолдану әдетте қайтымды сипатқа ие ықтималды жедел бүйрек жеткіліксіздігін қоса, бүйрек функциясының кейінгі нашарлауына әкелуі мүмкін. Эторикоксибты АӨФ тежегіштерімен немесе ангиотензин ІІ антагонистерімен бір мезгілде қолданатын пациенттерде осындай өзара әрекеттесулер болу мүмкіндігі туралы естен шығармау керек. Сондықтан мұндай біріктірілімді, әсіресе егде жастағы пациенттерге сақтықпен тағайындау керек. Талапқа сай регидратация емін жүргізу және біріктірілген емнің басында, сондай-ақ ары қарай белгілі бір жүйелілікпен бүйрек функциясына мониторинг жүргізу туралы мәселені қарастыру керек.

Ацетилсалицил қышқылы. Дені сау еріктілердің қатысуымен жүргізілген зерттеулерде тепе-тең жағдайда эторикоксибты тәулігіне 1 рет 120 мг дозада қолдану ацетилсалицил қышқылының антиагреганттық белсенділігіне (тәулігіне 1 рет 81 мг) әсер еткен жоқ. Эторикоксибты жүрек-қантамыр асқынуларының профилактикасына арналған дозада (төмен дозалар) қолданылатын ацетилсалицил қышқылымен бір мезгілде тағайындауға болады. Алайда, эторикоксиб пен ацетилсалицил қышқылының төмен дозаларын бір мезгілде қолдану эторикоксибпен жүргізілетін монотерапиямен салыстырғанда АІЖ ойық жарасы немесе басқа да асқынулар туындау жиілігінің артуына әкелуі мүмкін. Эторикоксибты жүрек-қантамыр асқынуларының профилактикасы үшін белгіленгеннен асатын дозада ацетилсалицил қышқылымен, сондай-ақ басқа да ҚҚСП-пен бір мезгілде қолдану ұсынылмайды.

Циклоспорин және такролимус. Эторикоксибтың осы препараттармен өзара әрекеттесуі зерттелмесе де, ҚҚСП-ны циклоспориндермен және такролимуспен бір мезгілде қолдану соңғыларының нефроуытты әсерін күшейтуі мүмкін. Эторикоксибты осы препараттардың кез келгенімен бір мезгілде қолданғанда бүйрек функциясын бақылау керек.

Фармакокинетикалық өзара әрекеттесуі

Эторикоксибтың басқа препараттардың фармакокинетикасына әсері

Литий. ҚҚСП литийдің бүйрекпен шығарылуын әлсіретеді, осылайша қан плазмасында литийдің деңгейін арттырады. Егер қажет болса, қандағы литий деңгейіне жиі бақылау жүргізеді және осы препараттарды біз мезгілде қолдану кезеңінде, сондай-ақ ҚҚСП қолдануды тоқтатқанда литий дозасын түзетеді.

Метотрексат. Екі зерттеуде ревматоидты артритте 7.5 мг-ден 20 мг-ге дейінгі дозада метотрексатты аптасына бір рет қабылдаған пациенттердің жеті күн бойы тәулігіне бір рет 60 мг, 90 мг және 120 мг дозада эторикоксибты қолданған кездегі әсерлері зерттелді. Эторикоксиб 60 мг және 90 мг дозада метотрексаттың қан плазмасындағы концентрациясына және бүйрек клиренсіне әсер еткен жоқ. Бір зерттеуде эторикоксиб 120 мг дозада метотрексат көрсеткіштеріне әсер еткен жоқ, бірақ басқа зерттеуде қан плазмасындағы метотрексат концентрациясы 28%-ға жоғарылаған, ал метотрексаттың бүйректік клиренсі 13%-ға төмендеген. Эторикоксиб пен метотрексатты бір мезгілде қолданғанда метотрексаттың уыттылығына қатысты тиісті мониторинг жүргізу керек.

Ішу арқылы қабылданатын контрацептивтер. 60 мг дозада эторикоксиб құрамында 35 мкг этинилэстрадиол және 0.5–1 мг норэтиндрон бар пероральді контрацептивтермен бір мезгілде қолданғанда 21 күн бойы этинилэстрадиолдың AUC0 24 37 %-ға жоғарылауына әкелді. 120 мг дозада эторикоксиб жоғарыда көрсетілген ішу арқылы қабылданатын контрацептивтермен бір мезгілде немесе 12 сағат аралықпен қолданғанда этинилэстрадиолдың AUC0 24 мәнін тепе-тең жағдайда 50–60%-ға арттырды. Этинилэстрадиол концентрациясының бұлай жоғарылауын эторикоксибпен бір мезгілде қолданылатын ішу арқылы қабылданатын контрацептивті таңдағанда есте ұстау керек. Этинилэстрадиол экспозициясының жоғарылауы ішу арқылы қабылданатын контрацептивтерді қолданумен байланысты жағымсыз әсерлердің туындау жиілігін арттыруы мүмкін (мысалы, қауіп тобындағы әйелдердегі вена тромбоэмболиясы).

Гормон алмастыратын ем. 120 мг эторикоксибты 28 күн бойы конъюгацияланған эстрогендерді (Премарин 0.625 мг) қамтитын гормон алмастырғыш препараттармен бірге қабылдау тепе-тең жағдайда конъюгацияланбаған эстронның (41%-ға), эквилиннің (76%-ға) және 17-β-эстрадиолдың (22%-ға) AUC0 24 орташа көрсеткішін арттырады. Ұзақ қолдануға ұсынылған (30, 60 және 90 мг) эторикоксиб дозасының әсері зерттелмеген.

120 мг доазада эторикоксиб Премарин препаратымен жүргізілген монотерапиямен салыстырғанда Премарин препаратының эстрогенді компоненттерінің экспозициясын (AUC0 24) жартысынан аз төмендетті; соңғысының дозасын 0.625-тен 1.25 мг-ге дейін арттырды. Бұлай жоғарылаудың клиникалық мәні белгісіз, ал Премарин препаратының эторикоксибпен біріктірілімдегі барынша жоғары дозалары зерттелмеген. Эторикоксибты бір мезгілде қолданғанда постменопауза кезеңінде қолдану үшін гормональді препаратты таңдағанда эстрогендер концентрациясының бұлай жоғарылауын назарға алу керек, себебі эстрогендер экспозициясының жоғарылауы орын басушы гормонмен емдеу кезінде жағымсыз реакциялардың туындау қаупін арттыруы мүмкін.

Преднизон/преднизолон. Препараттармен өзара әрекеттесу зерттеулерінде эторикоксиб преднизон/преднизолон фармакокинетикасына клиникалық маңызды әсер көрсеткен жоқ.

Дигоксин. Эторикоксибты дені сау еріктілер 10 күн бойы тәулігіне 1 рет 120 мг дозада қолданғанда тепе-тең жағдайда AUC0 24 көрсеткішіне және дигоксиннің бүйрекпен шығарылуына әсері байқалған жоқ. Дигоксиннің Cmax көрсеткішінің (33%-ға жуық) артқаны байқалды. Бұлай жоғарылау, әдетте, көптеген пациенттер үшін маңызды емес. Алайда эторикоксиб пен дигоксинді бір мезгілде қолданғанда дигоксиннің уытты әсеріне қатысты жоғары қаупі бар пациенттердің жай-күйін бақылап отыру керек.

Эторикоксибтың сульфотрансферазалармен метаболизденетін препараттарға әсері

Эторикоксиб адамның сульфотрансфераза белсенділігінің, атап айтқанда SULT1E1 тежегіші болып табылады, сондай-ақ қан сарысуында этинилэстрадиол концентрациясын арттыруы мүмкін. Қазіргі таңда түрлі сульфотрансферазалар әсері туралы деректер аз болғандықтан, ал көптеген препараттарды қолдану үшін клиникалық маңыздылығы әлі зерттелу үстінде болғандықтан, эторикоксибты негізінен адамның сульфотрансферазаларымен метаболизденетін (мысалы, ішу арқылы қабылданатын сальбутамол және миноксидил) басқа препараттармен бір мезгілде сақтықпен тағайындау керек.

Эторикоксибтың CYP жүйесінің изоферменттерімен метаболизденетін препараттарға әсері

Іn vitro зерттеулері деректеріне қарай Р450 (CYP) 1А2, 2С9, 2С19, 2D6, 2E1 және 3А4 цитохромдарының эторикоксибпен тежелуі күтілмейді. Дені сау еріктілердің қатысуымен болған зерттеулерде эторикоксибты 120 мг дозада күнделікті қолдану бауырдың CYP3A4 белсенділігіне әсер көрсетпеді, бұл эритромициндік тыныс алу тесті арқылы анықталды.

Басқа препараттардың эторикоксиб фармакокинетикасына әсері

Эторикоксиб метаболизмінің негізгі жолы CYP жүйесінің ферменттеріне байланысты. CYP3A4 эторикоксиб метаболизміне in vivo ықпал етеді. Іn vitro зерттеулері CYP2D6, CYP2C9, CYP1A2 және CYP2C19 да метаболизмнің негізгі жолын катализациялауы мүмкін екендігін көрсетті, бірақ олардың мөлшерлік сипаттамалары in vivo зерттелмеген.

Кетоконазол. Кетоконазол CYP3A4 күшті тежегіші болып табылады. Дені сау еріктілер 11 күн бойы тәулігіне 1 рет 400 мг дозада қолданғанда кетоконазол 60 мг эторикоксибтың бір реттік дозасының фармакокинетикасына клиникалық елеулі әсер көрсеткен жоқ (AUC 43 %-ға артуы).

Рифампицин. Эторикоксиб пен рифампицинді (CYP ферменттерінің күшті индукторы) бір мезгілде қолдану қан плазмасында эторикоксиб концентрацияларының 65 %-ға төмендеуіне әкелді. Мұндай өзара әрекеттесу егер эторикоксибты рифампицинмен бір мезгілде қолданса, симптомдардың қайталануымен қатар жүруі мүмкін. Бұл деректер дозаны арттыру қажеттілігін білдіруі мүмкін болғанда әр көрсетілім үшін белгіленгеннен асатын дозада эторикоксибты қолдану ұсынылмайды, себебі рифампицин мен эторикоксибты осындай дозаларда біріктіріп қолдану зерттелген жоқ.

Антацидтер. Антацидтік препараттар эторикоксиб фармакокинетикасына клиникалық маңызды әсер көрсетпейді.

Асқазан-ішек жолына әсері. Эторикоксиб қолданған пациенттерде кейде өліммен аяқталатын асқазан-ішек жолы тарапынан болатын асқынулар (тесілулер, ойық жаралар немесе қан кету) туралы хабарланған.

АІЖ тарапынан болатын асқынулар дамуының жоғары қаупі бар пациенттерді емдеген кезде ҚҚСП сақтықпен қолдану ұсынылады (бір мезгілде кез келген басқа ҚҚСП немесе ацетилсалицил қышқылын қолданатын пациенттер, асқазан-ішектен қан кету немесе ойық жарасы сияқты анамнезінде АІЖ аурулары бар пациенттер).

Эторикоксиб пен ацетилсалицил қышқылын (тіпті төмен дозада болса да) бір мезгілде қолданғанда АІЖ (асқазан-ішектің ойық жарасы немесе АІЖ тарапынан болатын басқа да асқынулар) тарапынан болатын жағымсыз реакциялардың қосымша туындау қаупі бар. Ұзаққа созылған клиникалық зерттеулерде ЦОГ-2 селективті тежегішін + ацетилсалицил қышқылын және ҚҚСП + ацетилсалицил қышқылын қолданған кезде АІЖ үшін қауіпсіздікке қатысты айқын ерекшелік байқалған жоқ.

Жүрек-қантамыр жүйесіне әсері. Клиникалық зерттеулер ЦОГ-2 селективті тежегішін қолдану плацебомен және кейбір ҚҚСП-мен салыстырғанда тромбоздық асқынулардың (әсіресе миокард инфарктісі және инсульт) туындау қаупімен байланысты болуы мүмкін екендігін көрсетті. Эторикоксиб дозасын арттырғанда және ұзақ уақыт қолданғанда жүрек-қантамыр асқынуларының қаупі артатындықтан, препаратты ең жоғарғы қысқа уақыт кезеңінде ең төменгі тиімді дозада қолдану керек.

Әсіресе остеоартриті бар пациенттерде симптомдарын жеңілдету қажеттілігін және жүргізілетін емге жауапты мезгіл-мезгіл қайта қарап отыру керек.

Жүрек-қантамыр асқынулары (артериялық гипертензия, гиперлипидемия, қант диабеті, шылым шегу) даму қаупінің айқын факторлары бар пациенттерге мұндай мүмкіндікті мұқият қарастырғаннан кейін ғана эторикоксибпен ем жүргізу керек.

ЦОГ-2 селективті тежегіштері жүрек-қантамыр ауруларының профилактикасы үшін ацетилсалицил қышқылының алмастырғыштары болып табылмайды, себебі тромбоциттерге әсер етпейді. Сондықтан антиагреганттық препараттарды қолдануды тоқтатуға болмайды.

Бүйрекке әсері. Бүйректік простагландиндер бүйрек перфузиясын демеуге компенсаторлық рөл атқарады. Сондықтан бүйрек перфузиясын бәсеңдеткен кезде эторикоксибты қабылдау простагландиндер түзілуінің төмендеуін және осының салдарынан бүйрек қан ағысының төмендеуін және бүйрек функциясының әлсіреуін туғызуы мүмкін. Мұндай реакция қаупі бүйрек функциясының бұрыннан елеулі әлсіреуі, компенсацияланбаған жүрек жеткіліксіздігі немесе циррозы бар пациенттерде өте жоғары. Мұндай пациенттерде бүйрек функциясын бақылау мүмкіндігін қарастыру керек.

Сұйықтықтың іркілуі, ісінулер және артериялық гипертензия. Простагландиндер синтезін тежейтін басқа препараттарды қолданғандағы сияқты эторикоксиб қабылдайтын кейбір пациенттерде сұйықтықтың іркілуі, ісінулер және артериялық гипертензия байқалды. Эторикоксибты қоса, барлық ҚҚСП іркілісті жүрек жеткіліксіздігінің туындауына немесе қайталануына әкелуі мүмкін. Анамнезінде жүрек жеткіліксіздігі, сол жақ қарынша функциясының бұзылуы немесе артериялық гипертензия бар пациенттерге, сондай-ақ кез келген басқа себеппен туындаған ісінулері бар пациенттерге препаратты сақтықпен тағайындайды. Мұндай пациенттердің жай-күйі нашарлауының клиникалық белгілері болғанда эторикоксибты қабылдауды тоқтатуды қоса, тиісті шаралар қолдану керек.

Әсіресе, жоғары дозада эторикоксибты қолдану кейбір басқа ҚҚСП және ЦОГ-2 селективті тежегіштерін қолдануға қарағанда барынша жиі және ауыр артериялық гипертензиямен қатар жүруі мүмкін. Сондықтан эторикоксибпен емдеуді бастар алдында гипертензия бақылауда болуы тиіс, сондай-ақ эторикоксибпен емдеген кезде артериялық қысымды бақылауға ерекше назар аудару керек. Қысым айтарлықтай жоғарылағанда баламалы ем жүргізу керек. Емді бастағаннан кейін артериялық қысымды (АҚ) 2 апта бойы, содан соң мезгіл-мезгіл бақылап отыру керек. Егер АҚ айтарлықтай жоғарыласа, баламалы ем жүргізу мүмкіндігін қарастыру керек.

Бауырға әсер етуі. Тәулігіне 60 мг және 90 мг дозада эторикоксибпен ем қабылдаған пациенттердің шамамен 1%-да бір жылға дейінгі ұзақтықпен клиникалық зерттеулерде аланинаминотрансфераза (АЛТ) және/немесе аспартатаминотрансфераза (АСТ) (жоғарғы қалып шегімен салыстырғанда шамамен үш және одан көп рет) белсенділігінің жоғарылағаны байқалды.

Бауыр функциясының бұзылуы симптомдары және/немесе белгілері бар барлық пациенттердің, сондай-ақ бауыр функциясының патологиялық көрсеткіштері бар пациенттердің жағдайын бақылау керек. Бауыр функциясының бұзылу белгілері болғанда немесе бауыр функциясы көрсеткіштерінің тұрақты патологиялық өзгерістері (жоғарғы қалып шегінен үш есе жоғары) болғанда эторикоксиб қабылдауды тоқтату керек.

Жалпы нұсқаулар. Егер емдеу барысында пациентте жоғарыда көрсетілген ағзаларының қандай да бір жүйесі функциясының нашарлағаны байқалса, тиісті шара қолданып, эторикоксибты қабылдауды тоқтату туралы мәселені қарастыру керек. Егде жастағы пациенттерде және бүйрек, бауыр немесе жүрек функциясы бұзылған пациенттерде эторикоксибты қолданғанда тиісті медициналық қадағалау жүргізу керек.

Дегидратациясы бар пациенттерге эторикоксибпен емдеуді сақтықпен бастау керек. Эторикоксибты қолдануды бастар алдында регидратация емін жүргізу ұсынылады.

Кейбір жағдайларда өліммен аяқталатын күрделі тері реакцияларының, соның ішінде эксфолиативтік дерматиттің, Стивенс – Джонсон синдромының және уытты эпидермальді некролиздің туындағаны туралы постмаркетингтік бақылау кезінде ҚҚСП және кейбір ЦОГ-2 селективті тежегіштерін қолданғанда өте сирек хабарланған. Көріністер басталуы көптеген жағдайда емнің алғашқы айында, мұндай реакциялар туындауының ең жоғарғы қаупі емнің басында болады. Эторикоксиб қолданатын пациенттерде аса жоғары сезімталдықтың (анафилаксия және ангионевроздық ісіну сияқты) күрделі реакциялары туралы хабарланған. Кейбір селективті ЦОГ-2 тежегіштері анамнезінде қандай да бір препаратқа аллергиялық реакциясы бар пациенттерде тері реакцияларының туындау қаупін арттыруы мүмкін. Теріде бөртпенің алғашқы көріністері, шырышты қабықтың зақымданулары немесе аса жоғары сезімталдықтың басқа белгілері пайда болғанда эторикоксибті қабылдауды тоқтату керек.

Эторикоксиб қызбаның көрінісін немесе инфекцияның басқа белгілерін басуы мүмкін.

Эторикоксиб пен варфаринді немесе басқа да пероральді антикоагулянттарды бір мезгілде сақтықпен тағайындайды.

ЦОГ және простагландиндер синтезін тежейтін басқа препараттар сияқты эторикоксибты жүктілікті жоспарлап жүрген әйелдерге қолдану ұсынылмайды.

Этококс препаратының құрамына лактоза кіреді. Галактоза жағымсыздығы, Лапп лактаза тапшылығы және глюкоза-галактоза мальабсорбциясы сияқты туа біткен сирек аурулары бар пациенттер осы препаратты қолданбауы тиіс.

Жүктілік және лактация кезеңі

Жүктілік. Жүктілікті жоспарлайтын әйелдерге ЦОГ-2 тежейтін басқа да препараттар сияқты эторикоксибты қолдану ұсынылмайды. Жүктілік кезінде эторикоксиб қолдану туралы клиникалық деректер жоқ. Жануарлардағы зерттеулерде репродуктивтік уыттылығы бақыланды. Жүктілік кезеңіндегі әйелдерде потенциалды қаупі белгісіз. Простагландиндер синтезін тежейтін басқа да препараттар сияқты, жүктіліктің соңғы триместрінде эторикоксибты қолдану жатыр жиырылуының болмауына және боталл түтігінің мезгілінен бұрын жабылуына әкелуі мүмкін. Жүктілік кезеңінде эторикоксиб қолдану қарсы көрсетілімде. Егер жүктілік емдеу кезеңінде басталса, эторикоксибты тоқтату керек.

Лактация. Эторикоксибтың емшек сүтіне бөлінетіні белгісіз. Эторикоксиб лактациядағы егеуқұйрықтардың сүтіне бөлінеді. Бала емізетін әйелдер емдеу кезеңінде бала емізуді тоқтатуы тиіс.

Дәрілік заттың көлік құралын немесе қауіптілігі зор механизмдерді басқару қабілетіне әсер ету ерекшеліктері

Этококс препаратының автокөлікті және механизмдерді басқару қабілетіне әсер етуін көрсететін ақпарат жоқ.

Симптомдары. Клиникалық зерттеулерде эторикоксиб 500 мг-ге дейінгі бір реттік дозада қолдану немесе 21 күн бойы тәулігіне 150 мг-ге дейін көп рет қабылдау елеулі уытты әсерлер туғызған жоқ. Эторикоксибпен жедел артық дозалану туралы хабарланды, бірақ көп жағдайда жағымсыз реакциялар туралы хабарланған жоқ.

Өте жиі бақыланатын жағымсыз реакциялар эторикоксибтың қауіпсіздік бейінімен үйлесімді болды (мысалы, АІЖ тарапынан болатын реакциялар, реноваскулярлық реакциялар).

Емі. Артық дозалану жағдайында сіңірілмеген препаратты АІЖ-ден шығару, клиникалық бақылау жүргізу сияқты әдеттегі демеуші іс-шаралар қолдану керек және қажет болғанда демеуші ем жүргізген дұрыс.

Эторикоксиб гемодиализде шығарылмайды; перитонеальді диализде шығарылуы белгісіз.

Шығарылу түрі және қаптамасы

7 таблеткадан полиамид/алюминий/поливинилхлорид үлбірден және лакталған алюминий фольгадан жасалған пішінді ұяшықты қаптамаға салынады.

4 пішінді қаптамадан медициналық қолдану жөніндегі мемлекеттік және орыс тілдеріндегі нұсқаулықпен бірге картон қорапшаға салынған.

250С-ден аспайтын температурада сақтау керек.

Балалардың қолы жетпейтін жерде сақтау керек!

2 жыл

Жарамдылық мерзімі өткеннен кейін қолдануға болмайды.

Рецепт арқылы

Өндіруші

Sun Pharmaceutical Industries Ltd

Village Ganguwala, Paonta Sahib, District Sirmour,

Himachal Pradesh – 173025, Үндістан

Sun Pharmaceutical Industries Ltd, Үндістан

Қазақстан Республикасы аумағында тұтынушылардан дәрілік заттың сапасы жөнінде шағымдарды(ұсыныстарды) қабылдайтын және дәрілік заттың қауіпсіздігін тіркеуден кейінгі бақылауға жауапты ұйымның атауы, мекенжайы және байланыс деректері:

«Sun Pharmaceutical Industries Ltd» ҚР - дағы өкілдігі,

Алматы қ., Манас к-сі 32А, САТ БО, 602 кеңсе

тел.: 8-800-080-5202

эл.поштасы: regulatory.kz@sunpharma.com